球迷入場玩雙人射門 球證判入球？
球證判錯係一件常見嘅事，但當有球迷進入球場，帶咗陣波，最後仲要同球員一齊射門，而入球又成立嘅話，咁仲止唔止判錯咁簡單？日前洪都拉斯聯賽，CD奧林比亞主場對上莫塔瓜體育會，客隊以2:1領先，最終因該球「神奇」入球令比賽變和波。
球迷入侵球場。（影片截圖）
主隊在落後的情況下，不斷猛攻客隊，直到補時階段，主隊前鋒羅渣士成功接應禁區頂的短傳，推前兩步起腳抽射，但亦就在這一刻，突然有位上身赤裸的男球迷從後出現，帶著自己的足球，同時起腳射門。羅渣士的皮球先飛入龍門，然後男球迷的皮球亦緊隨其後入龍，按常理計，理應暫停賽事並判入球無效，但球證竟然判合法入球，比數變成2:2。
羅渣士先起腳。（影片截圖）
兩粒波明顯在龍內。（影片截圖）
客隊龍門即刻鬼殺咁嘈，衝向球證理論，指自己注意力受影響，惟球證竟然完全唔理佢，仲要因為佢反應過激而出示黃牌。雖然按影片睇，皮球係先後入網，而客隊龍門亦未有留心球迷的入球，但係又應唔應該咁樣進行判決呢？留返俾大家去判斷。
波已入，照慶祝。（影片截圖）
