記者紅地毯重遇「狼人」體育老師遭狂串
飾演狼人的曉治積曼（Hugh Jackman）雖然戲內經常怒氣沖沖，但事實上真人相當和睦。近日一單四年前的舊聞再於網上流傳，記者於2013年的蘇黎世電影節紅地毯訪問「狼人」，殊不知被對方認出自己是他的舊學生。
狼人認得舊學生！（影片截圖）
記者韋斯（Rollo Russ）當年於紅地毯看準機會訪問曉治積曼，並打算問他得獎感受，殊不知「狼人」不答問題，仲話想「回一回帶」，講下同記者的相識經過。原來曉治積曼於1987年曾於英國一間高中任教體育，話鋒一轉便即追問記者其後體育成績如何，搞到記者鬼咁尷尬。
合照時記者勁尷尬。（影片截圖）
當然，雖然被人揶揄，記者係唔會放過問問題嘅機會，再問曉治積曼現實中會被甚麼事觸怒。點知「狼人」又搵位入，立即扮惡話：「最嬲係學生唔聽話、唔帶裝備嘅學生，同埋唔肯聽命令跳落泳池嘅學生，韋斯，我好似愈記愈多關於你的事情。」
曉治積曼仲要扮嬲。（影片截圖）
