日本男排出現Hehe咀咀 全場腐女High到爆
於周日開打的日本男排聯賽全明星賽發生「有愛」一幕，兩名球員疑似罵戰，其後更出手推撞，點知最後竟然「一咀泯恩仇」，全場腐女即刻High到爆。
網上圖片
話說身穿紅衣、效力太陽鳥隊的二傳手山田湧（Yu Yamamoto）以假動作推球得分後，跨越網下向敵隊豊田合成的主攻手高松卓矢（Takuya Takamatsu）造出挑釁動作，高松卓矢立刻有反應，並向山田湧「開火」，其後更動手推山田湧，搞到球證都要行埋嚟調停。
網上圖片
不過兩人完全無收手跡象，你一推我一撞，持續了大概6至7秒，高松卓矢突然捉緊山田湧的膊頭，並將頭靠過去，之後發生驚人一幕，就係兩人竟然深情咀咀。其後高松卓矢再輕輕拍山田湧後腦，示意加油，完全估唔到劇情竟然咁樣發展。
網上圖片
重覆翻睇片段，其實都可以發現喺兩人形勢趨「緊張」時，隊友完全無發現，仲要笑笑口，應該對兩人有這種互動見慣不怪，同時亦知道下一步會發生甚麼事，但最開心應該就係在場嘅所有腐女，比賽勝負都來不及這「男排深深一吻」。
高松卓矢（左）（Twitter圖片）
山田湧（右）（Twitter圖片）
立刻令人諗起唐伯虎同對穿祥嘅惺惺相惜（網上圖片）
