重温《男兒當入樽》逼近NBA水準嘅四個入球
無「主角光環」，你點同我鬥！
網上圖片
相信唔少人嘅都係因為《男兒當入樽》而引起打籃球嘅興趣，由井上雄彥作畫兼原作，1990年至1996年期間喺周刊少年Jump連載，就算最近推出新封面單行本重新發行，一樣賣到開巷。今次等我地重温一下《男兒當入樽》嘅精彩入球。
1.流川楓—「Double Pump Dunk」
網上圖片
湘北高中喺縣大賽 4 強面對海南大學附屬高中，流川楓準備要單手入樽嘅時候，海南皇牌牧紳一飛身封阻流川，但呢個時候流川楓竟然喺半空縮手，避過Block Shot再入樽。咁樣嘅動作基本上已經係NBA頂級球星嘅水平，例如大帝占（LeBron James）就做過類似入樽。
2.櫻木花道罰球線起跳入樽
網上圖片
湘北打入全國大賽嘅第一場比賽就要面對日本最強隊伍嘅山王工業，櫻木花道想喺比賽之前畀個下馬威對手，竟然喺罰起線起跳入樽！雖然最後冇成功，只係可以將個波扣喺籃框度。
罰球線起跳係米高佐敦嘅絕技之一，當仲因為咁而贏得入樽大賽冠軍。而另一個以彈跳力聞名嘅著名球星德士拿都可以喺罰球線起跳入樽，佢仲因為有超人彈跳力而有「滑翔機」嘅稱號。
3. 澤北榮治一打三拉桿上籃
網上圖片
湘北對山王嘅經典對決出現唔少金球，其中山王嘅皇牌澤北榮治，喺某次上籃嘅時候一次過突破木剛憲、流川楓以及櫻木花嘅防守，兜過籃框底反手上籃。
其中NBA著名球星「J博士」朱利葉斯．伊榮都做過類似入球。
網上圖片
4.櫻木花道顔面入球
網上圖片
櫻木花道結束兩萬球中距離射波訓練之後，櫻木花道邀請神奈川各大球員組成最強球隊，同湘北友誼賽。比賽期間櫻木花道想搶進攻籃板，但係喺佢起跳一剎那，籃球撞到籃框，撞向櫻木花道塊面度再反彈入波。呢球就應該冇NBA球星做到喇。
