《復4》雷神表示唔想咁快死住？ 畀老鼠嚇到差啲爆粗
雷神冇左個槌就連老鼠都搞唔掂。
為左宣傳《復仇者聯盟4：終局之戰》（Avengers: Endgame），「雷神」基斯咸士禾夫（Chris Hemsworth）出席清談節目《The Ellen DeGeneres Show》接受訪問。主持人Ellen講笑指「雷神」由美國雜誌People Weekly嘅「最性感男人」降呢變成「最性感Chiris」（由最後伊卓斯艾巴取代最性感男人之位）。
網上圖片
People Weekly封面「最性感Chiris」包括「美國隊長」基斯伊雲斯（Chris Evans）、「星爵」基斯柏特（Chris Pratt）等5位名為基斯的荷李活明星。基斯咸士禾夫樂觀地表示大家都是從全球幾十億人中選出來的。
網上圖片
跟住喺節目入面，基斯表示唔知道電影結局係點樣，佢提到細佬洛基都死過返生左9次，所以都唔知道雷神最終命運到底係點樣。不過基斯表示如果雷神可以唔洗死，佢係非常樂意繼續做雷神。
網上圖片
Ellen喺節目度仲展示左基斯咸士禾夫同短尾矮袋鼠嘅合照，原來基斯係非常鍾意小動物，佢養左好多寵物，例如有兩隻雞。跟住Ellen仲問佢其實會驚咩動物，正當佢答問題嘅時候，突然有一個着住老鼠裝嘅工作人員喺將枱度彈左出嚟，嚇到雷神差啲爆粗。
網上圖片
