【「導」高一尺】「變形俠醫」點解被迫要拍五個結局？ 《復4》導演防劇透有好橋
反而想睇下其他幾個假結局係點樣。
《復仇者聯盟4：終局之戰》即將上畫，未化灰嘅超級英雄不時四出宣傳電影，而「變形俠醫」麥克雷法路（Mark Ruffalo）喺宣傳嘅時候大爆導演羅素兄弟為左防止佢劇透竟然拍左五個唔同嘅結局。
網上圖片
其實因為麥克法路有唔少劇透前科，導演因為咁而焗住拍五個結局，所以今次變形俠醫真係唔知個結局係點。
網上圖片
但係，原來蜘蛛俠都係一樣冇完整劇本喺手，甚至導演喺劇本設計埋假情節。麥克雷法路就話虛假情節係美國隊長會同某角色結婚，唔通美國隊長會喺平衡宇宙同特工Carter拉埋天窗，完成未竟之約？
網上圖片
麥克雷法路又話，拍緊《復仇者聯盟3》嗰陣已經要拍多個唔同結局，一個係自己要化灰，一個冇化灰，到上畫嗰陣先知自己冇消失。「獵布拉」Karen Gillan聽到之後覺得非常之出奇，原來唔係個個都要拍多幾個結局，淨係得麥克雷法路先要拍。「美國隊長」基斯伊雲斯笑指麥克雷法路係負累，仲話佢劇透就好身體功能一樣咁自然。
網上圖片
咁其實又好難怪美國隊長咁笑佢，喺《《雷神奇俠3：諸神黃昏》首映嗰陣，麥克雷法路唔小心喺IG直播左20分鐘嘅電影片段。雖然搞出個大頭佛，但係「雷神」基斯咸士禾夫冇怪到佢，仲話喺直播片段聽到觀眾嘅笑聲，就知套戲一定好睇。而Marvel的安全部門主管都大讚咁樣會攞到更加多宣傳。
網上圖片
仲有，上年佢同「War Machine」Don Cheadle一齊接受訪問嗰陣仲踢爆《復仇者聯盟3》嘅結局，當時直接劇透結局會死一半人。MCU FANS 一定會好「鍾意」馬克雷法路。
