• U生活

【復仇者聯盟】原來現任主演多數都唔係MCU第一人選？(上)

2019年04月24日 05:36 pm

Leng Zai @ UPower

有冇其他心水人選會比而家嘅演員更加適合？例如徐錦江做雷神，Eric Kwok做鐵甲奇俠等等 

MCU已經陪左大家十年，好多影迷會將演員當做漫畫英雄，但其實而家好多角色嘅卡士都唔係Marvel首選。

1.鐵甲奇俠

羅拔唐尼基本上就係東尼史達本人，因為佢嘅演出先鐵甲奇俠人氣急升，同時亦都拯救左就快執笠嘅Marvel工作室，相信佢一定係完美人選。

有傳指，當年導演曾經叫過憑《廣告牌殺人事件》贏左奧斯卡最佳男配角的森洛維去試鏡，但最後當然贏唔到羅拔唐尼。最後，森格維喺《鐵甲奇俠2》做反派Justin Hamme

2.黑寡婦

施嘉莉祖安遜完美演繹左MCU裏面最性感又好打嘅黑寡婦，但原來當唔係首選演員。

原來當年電影公司係想揾《毒裁者》、《無聲絕境》嘅愛美莉賓特做黑寡婦。不過當時佢檔期唔夾先至推左黑寡婦呢個角色。

原來當年電影公司仲有諗過另外兩個高人氣嘅巨星去飾演黑寡婦，佢地分別係安祖蓮娜祖莉同妮坦莉寶雯。不過，最近己經確認左安祖蓮娜會加入MCU。

3.雷神

因為當時基斯咸士禾夫仲係一個唔太出名嘅澳洲演員，所以當年雷神首選演員一直都唔係佢。

有傳指當年嘅心水人選其實係荷里活巨星畢彼特。

基斯咸士禾夫原本當年係陪細佬里安咸斯禾夫去試鏡，但後來就即場報名，同細佬一齊入左最後五強，最後階段嘅時候，導演就刪走細佬個名。

當年一齊試鏡嘅仲有湯希廸斯頓，但最後就做左洛基。

4.美國隊長

原本美國隊長係想揾《無聲絕境》嘅導演兼男主角尊卡辛斯基去演，但佢後發現自己唔適合角色，所以決定辭演。

基斯伊雲斯接《美國隊長》之前都有掙扎，後來羅拔唐尼說服佢先接任角色。

5.「毀滅者」達拉斯

咁而家呢個戇厚搞笑嘅角色就由前WWE職業摔角手戴夫巴蒂斯塔飾演，但係原本其實係由DC嘅其中一位主角去做個角色。

「水行俠」嘅積遜莫瑪原本係達拉斯嘅首選演員，但據聞指當時積遜莫瑪唔想再重覆演出一啲睇落好野蠻嘅角色，咁所以最後都冇接受到邀請。

後來積遜莫瑪做左水行俠，變成荷里活一線演員，佢應該覺得好彩當時冇接《銀河守護隊》。

6.星爵

喺《復仇者聯盟3》畀話係豬隊友嘅友嘅星爵，原來首選演員都唔係基斯柏特。

電影公司原本想《心跳500天》嘅祖瑟夫哥頓利域去做星爵，都應該係以名氣為主要考慮原因。