「超人動作」踩單車 仲快過領航鐵騎？
為求減少風阻，單車手會躲在前車後方，又或者彎下腰，單以頭頂破風。不過意大利一名選手，卻選用「超人姿勢」加速，超越前車之餘，仲要過埋領航鐵騎士？
影片截圖
這名選手名叫古拉（Michael Guerra），在遇上車群被阻時，在加速後突然放開腳踏，並以仰臥姿勢坐上單車椅上，雙腳蹬直，模仿超人飛行時的姿態。原本以為動作只求美態，不求速度，點知架車愈郁愈快，一下子就過五架車。
輕鬆過晒前車（影片截圖）
唔講真係以為自己眼花，唔踩腳踏竟然仲快過踩腳踏，但之後仲誇張，過晒啲車不突止，仲要超越埋領航電單車，搞到電單車司機都決定學古拉嘅招式，使出「超人式」破風法，但最終都係食塵，再追唔到古拉。
鐵騎都模仿古拉出招（影片截圖）
唔做超人喇，做返正常人先（影片截圖）
