【獨孤求敗】4日破20億票房 《復4》破中國電影史紀錄
睇怕未來幾年都無電影可以打破《復仇者聯盟4》嘅票房記錄了~
網上圖片
《復仇者聯盟4》橫掃全球票房，喺香港已經超過九千萬票房，咁中國票房成績點樣呢？中國觀眾會唔會好討厭呢啲咁大美國主義嘅超級英雄片？《復仇者聯盟4》又好似唔多夠中國元素，中國人睇到之後會唔會唔鍾意呢？
網上圖片
《復仇者聯盟4》喺中國上畫四日就破二十億票房，打破中國電影史紀錄。《流浪地球》用6日創下20億元票房，而《戰狼2》則用了8日。
網上圖片
另外，《復仇者聯盟4》仲打破左多項中國票房紀錄片，包括：單日最高午夜場票房、午夜場人次，外國電影最高單日票房，最快破5億、10億，單日單片排映場次紀錄，單片佔單日票房比例紀錄，上畫前預售票房等。中國觀眾果然先最忠誠MCU Fans，無論點樣愛國都好，一樣會買飛入場支持。
網上圖片
《復仇者聯盟4》基本上可以肯定成為中國票房第一位（除非有意外），睇怕要等《流浪地球》唔再流浪，或者叫吳京整多部《流浪火星》先有可能拎返票房冠軍嘅位置。
