港女搭經濟艙預訂海鮮飛機餐 竟怒斥無蝦蟹墨魚得舊煎魚？
下次去坐頭等啦:)
服務業顧客至上，不少航空公司為配合客人需要，都會提供不同的膳食餐飲選擇，甚至為客人供應特別餐。日前，一位任職空中服務員的網民在社文平台發文分享，當日在日本返港的航班上，竟遇上了一位「想一腳伸佢落機嘅港女」！
網上圖片
網上圖片
這位空中服務員表示，該名預訂了海鮮餐的女乘客，被派發白汁煎魚配蔬菜的海鮮餐後，馬上接服務鐘，並向空中服務員表示不滿﹕「呢個咁都叫海鮮餐？點食？」而樓主再三核對沒有錯漏，並禮貌地解釋﹕「今日嘅海鮮餐就係煎魚」。
網上圖片
該名女乘客隨即大動肝火，直罵﹕「日本返香港嘅海鮮餐點都有返啲質素呀嘛？！無刺身，最少都要有蝦蟹墨魚，就咁比舊魚敷衍我！」樓主雖然在貼文中表示莫名奇妙﹕「我心裏面真係好想問佢有冇帶腦搭飛機？魚唔係海鮮咩？唔通經濟艙嘅海鮮餐會畀龍蝦鮑魚你食啊」，但仍保持禮貌向女乘客解釋。
網上圖片
其後，該名女乘客要求轉食正常飛機餐，不過樓主的上司則堅持機上沒有多餘餐點，故未能更換，最終該名女乘客「死死氣咁食晒成舊魚」。
網上圖片
當樓主表示以為事件告一段落之際，才發覺還有下文，該女乘客再投訴未獲分派雪糕，樓主禮貌解釋她所預訂的海鮮餐已有特定甜品，故未獲分派雪糕，最後樓主的上司再次出面，樓主更稱上司「一句話冇就冇，幾咁大快人心」。
不少網民紛紛留言怒斥該「港女」乘客無理，「想用蔗渣價錢享受燒鵝服務，食懵佢啊？」、「Econ價錢唔通俾頭等餐你食咩」、「唔通佢以為海鮮餐係海膽三文魚籽雜錦刺身船」、「小姐你坐econ咋，坐頭等再講啦」，更有網民直指﹕「坐飛機普通餐未必好食，但特別餐一定係唔好食」。
