奇洛李維斯親自為你回帶《殺神John Wick》劇情 影后荷爾芭莉大顯身手
嚟到第三集，睇嚟狗仍然會係今集重點。
網上圖片
荷李活男神奇洛李維斯《殺神 John Wick 3》就快上畫，為左幫觀眾記重温前兩集嘅故事，奇洛李維斯特登拍左一條一分鐘嘅短片，幫大家回帶。奇洛李維斯仲講笑話拍回帶片仲攰過訓練。
網上圖片
今次《殺神 》嚟到第三集，有奧斯卡影后荷爾芭莉加盟壓陣，喺電影入面同John Wick拍住上。奇洛李維斯大讚荷爾芭莉相當專業，因為今次佢仲一齊參與訓練戲中嘅牧羊犬，所以人狗都相當有默契。
網上圖片
荷爾芭莉喺開鏡之前都接受左嚴格嘅體能同武打訓練，電影其中一場重頭戲係「人狗合一」嘅槍戰場面，展現左佢同兩隻狗嘅高度契合。荷爾芭莉雖然已經52歲，但仍然Keep得相當好，喺戲中不論係身型定身手都係非常之fit。
網上圖片
最近奇洛李維斯唔單止四圍宣傳《 殺神3》，最近代言法國名牌聖羅蘭（Saint Laurent），由英國攝影大師David Sims操刀拍攝廣告相，相當有型靚仔。
