中大生走出抑鬱症 發文《我有一個夢想》望家長懂得愛子女
Respect！
家庭教育足以影響孩子一生，但在中國文化裡，家庭似乎沒有一套完善教育，以致不少父母都不懂得為人父母。近日，社上平台專頁「CUHK Secrets」上，就有一名中大生以《我有一個夢想》為題，表示自己想要推廣「普及家庭教育」，並希望家長懂得愛子女。
中大生指出不健康的家庭裡有各種問題，包括暴力、責打、忽略、偏心、奴役、過份溺愛、冷言冷語、當對方出氣袋，當中大部分他都經歷過，以致他童年不太開心，甚至曾經患過抑鬱症。他寫道「所以當我長大咗並且好返，我好想可以做啲嘢去改變有同樣處境嘅家庭！」。
他又指出沒有好的家庭教育，對子女的傷害會形成一種惡性跨代循環「我明白好多嘢都可以學，甚至拍拖、結婚、生仔都可以學，但究竟有幾多人學過為人父母？大部分都係自己阿爸阿媽點對自己，自己都照樣對仔女。變成阿爺打阿爸，阿爸打仔，仔再打孫。周而復始地，每一代都因為呢個「傳統」而受盡痛苦，每一代都喺無助、無力、無自信、憤怒、壓逼之下成長，咁又何苦呢？」。
因此，他決定將想法付緒行動，短期目標是建立一個專頁或組織，宣傳相關資訊「目前嚟講，我好想set up一個page/組織，宣傳普及家庭教育資訊例如「愛的言語」- 表達同接收愛嘅方法、親子溝通技巧、家庭環境中的情緒及壓力管理等等。」，他的長遠目的則是籌備不同活動「長遠嚟講，可能間唔中搞下啲活動、分享會、研討會，甚至邀請專業人士例如家庭治療師、輔導心理學家、社工等等嚟搞下講座。 」
最後，他更邀請一眾有志之士加入「如果你係有志之士/過來人，想以任何型式參與呢個行動，例如幫忙建立同管理個page、經歷分享、人手招募、推廣等等等等，邀請你喺下面留個言，等到時機同條件成熟嘅時候，我會pm你。」。貼文一出，不少網民都表示支持與有興趣加入，更有網民對家庭教育展開高質討論，也有讚揚這名中大生為人善良。
網上圖片
網上圖片
網上圖片
