日網民評選十大漫畫改編電影 Top One竟然係佢？
好多其實都改編得好好，值得一睇。
唔計《頭文字D》由香港人改編日本漫畫嘅作品，印象中《爆粗Band友》、《寄生獸下、下》都係漫改編得最為叫好叫座嘅電影，唔入Top 10真係有啲奇怪。另外再推薦冇喺名單嘅漫改電影，分別係由中谷美紀、阿部寛主演嘅《自虐之詩》，同埋比較偏鋒少少嘅《殺手阿一》。
網上圖片
近期喺日本嘅電影題材都係由漫畫改編，似乎日本電影圈陷入劇本荒，而漫改嘅真人電影水準就有啲參差。不過，最近有日本站就搞投票，睇下邊部由漫改電影最受網友歡迎。
10.《 NANA：世上的另一個我》（NANA－ナナ－）
網上圖片
當年NANA喺全亞洲都相當之受歡迎，而其中一位女主角中島美嘉更加憑藉呢部電影贏左當年嘅藍絲帶賞的最佳女主角和最佳新人提名，最後就奪得最佳新人。而主題曲《Glamorous Sky》亦係佢嘅經典金曲，每次演唱會一定會表演。
9. 《ROOKIES-卒業-》
網上圖片
原著漫畫《Rookies》係以棒球為主題嘅熱血漫畫，之後仲改編成日劇，而電影 《ROOKIES-卒業-》就係以劇集原班人馬開拍。而劇集版嘅片尾曲《奇蹟》，同電影嘅主題曲《遙か》都係由組合GReeeeN主唱，大受歡迎。
8.《三丁目之黃昏》（ALWAYS 三丁目の夕日シリーズ ）
網上圖片
《三丁目之黃昏》嘅故事以1958年嘅日本東京都下町為背景，講下夕日町三丁目嘅一般百姓嘅日常生活。當年《三丁目之黃昏》喺日本狂收32億日圓票房，兼襄括當年第二十九屆日本電影金像奬十三項大奬，包括最佳電影、最佳導演，最佳編劇、最佳男主角、最佳配樂、最佳攝影、最佳新演員等大奬。之後電影仲有兩部續集，就係《《續·三丁目之黃昏》，同埋《ALWAYS守候幸福的三丁目》（台灣譯名）。
7.《銀魂 》(銀魂シリーズ)
網上圖片
相信大家都相當熟悉銀魂，喺開拍電影之前，好多人都質疑有冇辦法可以拍出原著精髓。不過喺一眾明星，包括小栗旬、菅田將暉等人放低身段，不顧一切地演出。所以最終電影大獲評，喺日本亦都票房大收。
6.《飛翔吧！埼玉》（翔んで埼玉）
網上圖片
《飛翔吧埼玉》係一部瘋狂喜劇，由日本視覺系搖滾歌手GACKT擔係男主角，令成部電影顯得更加搞笑。故事講述一個架空世界嘅日本，東京都係全日本最好最高水平嘅地區，鄰近地區嘅埼玉縣就係窮鄉僻壤，東京同埼玉之間仲有海關，埼玉縣嘅市民一定有通行證先可以去到東京。如換轉做香港，新界大西北同九龍之間設關卡，新界居民想過九龍就一定要用身分證過關，而九龍同香港嘅居民想去新界就一定要用回鄉卡，其實都幾過癮。
5.《死亡筆記》（DEATH NOTEシリーズ）
網上圖片
相信有好多人都睇過《死亡筆記》嘅原著漫畫同動畫。而電影版入面，由松山研一飾演嘅 「L」更加係還原漫畫形象，而扮彌海砂嘅戶田惠梨香，就更加係佢最好狀態嘅時期，(當年戶田惠梨香仲未畀賤男綾野剛折磨到有厭食症，兼甩頭髮。)
4.《海猿》(海猿シリーズ)
網上圖片
《海猿》原著漫畫主要講喺日本海上保安廳做嘢嘅主角安官仙崎大輔嘅故事，之後被改編成日劇同埋電影。《海猿》系列電影暫時有四部，第一部電影則於2004年上畫，而第三集嘅《海猿》更係因為影迷聯署要求而拍攝，當年大收80億日圓票房。
3.《浪客劍心》（るろうに剣心シリーズ）
網上圖片
《浪客劍心》絕對係經典之作，不過電影版上畫之後大受好評。第一集嘅《浪客劍心》喺日本嘅票房仲打低埋同嘅時上畫嘅《復仇者聯盟》，當時《浪客劍心》上畫嘅銀幕數量只有《復仇者》一半。
2.《交響情人夢》（のだめカンタービレ 最終楽章 前編・後編）
網上圖片
《交響情人夢》由原著漫畫改編成嘅日劇獲得空前成功，更有人覺得係日本史上最成功嘅漫改劇集。電影食住劇集嘅人氣，當然都非常好成績啦。
1.《羅馬浴場》（テルマエ・ロマエシリーズ）
網上圖片
《羅馬浴場》係日本漫畫家山崎麻里嘅作品，漫畫獲得由書店店員選出嘅2010年度「漫畫大奬」、「第14屆手塚治虫文化獎短篇獎」，2011年度「《這本漫畫真厲害！》少年漫畫第2名」，以及2011年度「全國書店店員選出的推薦漫畫第3名」，原著漫畫相當受歡迎。而電影版就由男神阿部寬主演，2012喺日本上畫，大收近60億日圓票房。
