【殺神 3】新戲冇爆頭但踢爆蛋蛋？ 奇洛李維斯大爆當年暗戀佢！
兩個人郎才女貌，都幾襯架。
網上圖片
《殺神John Wick 3》於美國票大收近5600萬美金，而奇洛李維斯亦不停地為電影四圍宣傳。最近奇洛亮相美國人氣清談節目《The Ellen Show》，喺節目入面佢大爆當年拍攝《生死時速》嘅時候竟然暗戀戲中拍檔珊迪娜布洛（Sandra Bullock）！
網上圖片
喺節目中，主持人Ellen DeGeneres問奇洛喺《殺神John Wick 3》入面用槍爆左幾個人頭。奇洛就輕鬆答話冇爆到頭，不過踢爛左某啲人嘅蛋蛋（下體）。Ellen即刻就問係唔係奇洛自己諗架，佢就好謙虛咁話係同一班專業又有才華嘅工作人員一齊合作，大家一齊透過動作設計同視覺效果成就左John Wick呢個角色。
網上圖片
除左講《殺神John Wick 3》之外，主持人仲問到當年《生死時速》嘅感情事。節目播左上年珊迪娜布洛為左宣傳《八美千嬌》而受訪嘅片段，佢喺訪問中大讚奇洛相當靚仔，當時相當對佢相當嗒糖，不過珊迪娜就覺得奇洛似乎唔太鍾意自己，兩個人都從來未出過街。珊迪娜仲分享當年奇洛嘅細心所為，喺拍緊《生死時速》嗰陣，事關條裙成日都會吹起，於是奇洛就力保佢條裙唔會飛起，每次都好仔細咁確保佢條裙唔會有問題，唔會畀佢走光。
網上圖片
而奇洛睇完片之後就表示完全唔知道珊廸娜鍾意自己，佢就坦白承認自己當年都有暗戀對方。主持就話唔信佢咁都唔知，奇洛李維斯就話當時大家都做緊嘢。喺呢個時候主持人就扮晒嘢咁叫珊迪娜布洛出嚟，奇洛一時唔為意畀佢呃左轉身望左幾次。呢個時候主持人就話佢唔喺度，仲話奇洛已經錯過左機會，因為珊迪娜布洛已經攝影師Bryan Randall拍緊拖。
