John Wick仲要繼續大開X戒？ 第四部電影上畫日期確認
好彩出得成續集。唔似得《寒戰》同《赤道》咁爛晒尾。
網上圖片
奇洛李維斯靠住一隻狗仔再次攀上事業高峰，近日上畫嘅《殺神John Wick 3》中止左《復仇者聯盟4》嘅票房冠軍紀錄片，而仲宣布埋《殺神John Wick 4》嘅上畫時間。
網上圖片
喺《殺神John Wick》第一集嘅時候，電影只係用二千萬美金嘅預算收割九千萬美金嘅票房，而續集票房就有一億七千萬美金，幾乎係前作嘅雙倍。因為前兩集成績咁好，自然就會有第三集。唔洗一個星期，票房就已經超越左第一集。
網上圖片
導演Chad Stahelski接受外國媒體訪問嘅時候就表示，電影公司從來都唔會過問佢地點拍戲，仲支持佢地每個決定。導演仲話如果觀眾入戲院睇《殺神John Wick 3》，套戲就會繼續賺錢，到第四集嘅時候佢同奇洛李維斯就可以有更大空間去發揮，自然就就會更加精彩。
網上圖片
喺《殺神John Wick 3》入面，John Wick同樣係殺到最後，喺電影嘅結尾留左一個大伏筆，似乎第四集繼續大殺四方。《殺神 John Wick 4》預計會喺2021年5月21日上畫，到時應該會到MCU嘅《奇異博士2》打對台。
