Apink恩地挑戰鬼片《0.0 嚇茲招魂》 原著漫畫作者曾畫到有幻覺？
類似電影仲有香港嘅代表《見鬼10》。
0.0MHz，一個會駁通靈異世界嘅神秘數字。
網上圖片
改編自2012年同名人氣漫畫《0.0 MHz》嘅韓國鬼片即將喺香港上畫，繼《瘋人院逐個捉》之後又一令人期待嘅韓國恐怖片。原著漫畫至今連載左兩季，有讀者甚至認為《0.0 MHz》係繼伊藤潤二之後嘅最佳恐怖漫畫。
網上圖片
《0.0嚇茲招魂》係由韓國女團Apink成員鄭恩地同韓國男團INFINTE成員李成烈主演，佢地都係第一次拍鬼片。電影講述鄭恩地同李成烈加埋其他「0.0MHz」同好會嘅成員去探險，佢地除左研究靈異現象之外仲想揾到同鬼溝通嘅方法。一班去到凶宅做實驗，點知最後引發一連串靈異事件，無數鬼怪空群而出襲擊一眾主角。
網上圖片
就咁睇預告同海報都夠晒驚，「0.0 MHz」嘅意思姐係當人嘅電波接近0.0 MHz嘅時就會同鬼嘅電波相當接近，即係話會容易啲撞到鬼。喺預告入面見到，其一隻「長髮鬼」直接穿過鄭恩地嘅眼，再用頭髮勒住佢條頸，連眼角都出埋血，真係見到都驚。
網上圖片
喺漫畫開頭，作者張作就用「畀鬼砸」作為引子。一開頭就聚集左一班漫畫角色去研究到底係有鬼，定因為「睡眠癱瘓症」搞到畀「畀鬼砸」。之後，一班漫畫人物仲用唔同方法去撞鬼。而最古怪嘅就係，作者張作喺創作期間唔知因為咩事，一度出現幻聽同幻覺。
網上圖片
《0.0嚇茲招魂》將於六月喺香港上畫，有興趣的話可以睇下漫畫原著先再入場。
