天降外星BB點知原來係殺人狂 《魔童》四大能力拍得住超人
呢個先係真「魔童」!
唔少電影或者漫畫都有關於地球人收養外星人嘅故事,例如《超人》、或者日本漫畫《外星BB撞地球》。最近又有類似題材嘅電影《魔童》,不過就BB主角唔係救地球嘅超級英雄,而係唔殺人唔安樂兼有起能力嘅超級屠夫。
《魔童》故事講述一直都想生BB嘅Tori遇到從天而降嘅BB仔,佢深深咁認為呢個BB係上送嘅禮物,仲幫BB改名做班頓(Brandon)。班頓係個非聰明嘅小朋友,但就一直畀佢啲同欺凌,當佢開始大個嘅時候,佢開始發現到自己有強大嘅力量。班頓決定着起件斗蓬、戴埋面具喺小鎮四圍揾目標殘殺,不論有冇仇口都好,一律殺無赦!
喺預告入面可以見到班頓嘅能力,相信應該只係得DC、Marvel嘅超級英雄先可以阻止佢。
1.念力
喺預告度見到,班頓可以用念力震碎餐廳嘅玻璃,仲可以控制玻璃碎插落女侍應嘅眼度。另外佢仲可以截停啲車,再將部車升半空然後掉返落地。
2.移形換影
班頓可以用極快咁喺唔同空間度郁動,快到睇唔到嗰隻。
3.用眼發出死光
咁同超人一樣係可以用眼放死光,不過佢係用嚟大屠殺,超人用嚟拯救世界。
4.刀槍不入
刀槍不入呢啲基本嘢就唔洗講啦。
《魔童》五月廿三日喺香港上畫。