唔洗再睇《權力的遊戲》爛尾結局 《冰與火之歌》作者:小說結局唔同劇集

Leng Zai @ UPower

希望Martin保重身體,大家唔好畀咁大壓力佢。

網上圖片

《權力遊戲》(Game of Thrones)已經播出左大結局,好多影迷都覺得非常失望,不過唔緊要,而家大家有機會可以彌補返呢個遺憾。事關原著小說《冰與火之歌》系列嘅作者George R.R. Martin暗示小說結係同劇集非常之唔同。

網上圖片

早前法新社就報導,因為Martin成日拖稿,所以劇集嘅製作人兼編劇David Benioff同D.B. Weiss焗住要DIY自行發揮完成大結局。就算Martin有畀過下意見,HBO開到聲話畀夠錢D&D喺最後一季開十集,但呢兩位人兄堅持六集搞掂最後一季(因為要趕住去拍「星戰」),結果大家有眼睇。咁而家已經有近一百四十萬人聯署要求重拍。

網上圖片

一眾書迷已經Martin嘅新書《The Winds of Winter》等左好多年,而《The Winds of Winter》之後嘅《A Dream of Spring》就會係《冰與火之歌》系列嘅最終章。

作者Blog節錄

已經七十歲嘅Martin就喺Blog度寫話:「我都知《The Winds of Winter》遲遲都未有,但我一定會寫完。我唔話畀大家聽幾時會寫完,之前己經試過咁做,結果傷害左大家,整蠱埋自己……不過總大一日係會寫完,之後就寫埋《A Dream of Spring》。」

作者Blog節錄

另外Martin有提及到故事係會點樣埋尾,佢就話劇集有時間限制,但最後兩卷小說可能會有三千頁手稿。佢仲舉例問:「郝思嘉有多幾多個小朋友?」 郝思嘉就係《亂世佳人》嘅主角,《亂世佳人》係相當經典嘅小說,後來被改編成同名嘅經典電影。Martin問呢個問題就係為左指出小說同書嘅分別。

作者Blog節錄

最後Martin就話:「咁樣啦,我寫書、你睇書。睇完先再上網嘈交。」

網上圖片

Tagged:

Facebook Conversations