韓劇《奪命殺聲3》 李荷娜李陣郁聯手智破邪惡組織
活摘器官真係好可怕，唔知今季《奪命殺聲》嘅李荷娜同李陣郁會對付呢個邪惡組織？
網上圖片
最近韓劇《 奪命殺聲》（Voice）系列憑住別樹一幟嘅聲音破案嘅題村成功喺眾多偵探劇突圍而出，近日更推出第三季，由原班人馬再續上季劇情，由李荷娜、李陣郁主演。而今次佢地嘅最大敵人就係活摘人體器官集團「暗網」。
網上圖片
接上季劇情，擁有超乎常上聽覺嘅112舉報中心主任姜權酒（李荷娜飾），喺爆炸案入面死唔去，但就要進行刻苦嘅康復治療訓練，為期八個月嘅治療結束之後就歸隊。但係，姜權酒嘅聽覺開始出現問題，而112舉報中心行動隊長兼拍檔都康宇（李陣郁飾）喺爆炸案之後又不知所蹤。
網上圖片
就喺所有嘢都未搞清楚嘅時候，報案中心收到一單喺日本大阪嘅殘忍肢解案，喺現場仲揾到都康宇嘅警員證。於是姜權酒就拉大隊去大阪到查案，去到嘅時竟然發現以前嘅拍檔變成道友，濫用鎮靜劑。再三查問之下，先知道原來都康宇係想將販賣人體器官組織「暗網」連根拔起。
網上圖片
《 奪命殺聲2》上年結局有七點收視，而在新一季開播之前都有指都康宇會覺醒，「惡魔本能」而佢暴力傾向都慢慢浮現，而且佢有「斷片」嘅症狀，好多觀眾都會覺得佢今季會出手殺人。而且，今季將會揭開都康宇同姜權酒點解會擁有超人聽覺。至於會唔會再有第四季嘅《奪命殺聲》？早前導演南基勛喺記者會上就笑笑口冇答到問題，唔知係咩意思呢？
