《阿拉丁》黑暗原型 原版故事血腥又殘忍？
《阿拉丁》故事背景其實係發生喺幻想嘅中國世界。
網上圖片
近年迪士尼頻密改編動畫做真人電影，繼《美女與野獸》同《小飛象》之後就到《阿拉丁》係改編自《天方夜譚》嘅其中一個著名故事，但係不論動畫定真人電影，都比唔上原著故事咁可怕。而家睇落雖然係大人細路都啱睇嘅合家歡作品，但其實《阿拉丁》原著係個血腥暴力嘅故事。
1.阿拉丁父親畀人殘忍肢解
網上圖片
喺動畫入面，阿拉丁同阿媽相依為命，爸爸Cassim就唔知去左邊，但就冇講過點解。其實原版嘅民間傳說，Cassim係個賊，仲因為太貪錢而慘死。喺《阿里巴巴與四十大盜》入面，Cassim其實就係阿里巴巴個阿哥，兩兄弟知道左四十大盜嘅藏寶咒語，於是Cassim就諗住偷寶物，但因為太興奮而被困喺入面。最後畀一班大盜發現，並且將佢斬件，再將佢嘅屍體掛喺寶藏入口。
2.阿拉丁殘殺法師
網上圖片
不論係真人電影定動畫，燈神同阿拉丁友誼都係重點，但原版嘅燈神原來係佢阿媽。當燈神實現晒阿拉丁嘅願望，喺佢新婚嘅時候，老婆魔法師呃走神燈，阿拉丁就諗起當時幫佢發現燈神嘅戒指精靈，請佢幫手拎返神燈，再殘殺法師搶返原本屬於自己嘅嘢。
3.阿拉丁原本係中國人
網上圖片
《天方夜譚》雖然係阿拉伯民間故事合集，書入面背景就係國王經常殘殺佢嘅妃子，而一個阿拉伯女仔為唔要再有人遇害就自願嫁畀國王，為左唔畀國王殺佢所就每晚講故事畀佢聽，並且喺尾聲留低懸念，最後講左一千零一夜，成功令國王真心愛上自己，保住條命之餘，都唔會再有女仔受傷。不過，喺原本嘅《阿拉丁》入面，故事背景唔係發生喺阿拉伯，而係喺中國，阿拉丁其實係中國人。有人推論，《阿拉丁》嘅故事係發生中國邊疆嘅少數民族地區，都有人發現喺《天方夜譚》嘅初版英文小說，入面插畫係將阿拉丁畫多左條辮。因為當時中國人嘅形像就係留辮，所以都證明到阿拉丁呢個角色原版設定，其實係嚟自中國。
