《掃毒2》劉德華古天樂12年後銀幕再會
《拆彈專家》炸紅隧，今次《掃毒》就炸中環站。咁嚟緊嘅《拆彈專家2》又要炸邊度？
- 網上圖片
《掃毒2天地對決》由邱禮濤執導，劉德華、古天樂、苗僑偉及林嘉欣主演，將會喺七月上畫。
今次《掃毒2》係全新故事，同上集劇情冇關，故事講述劉德華飾演嘅富豪余順天由細細個開始就好憎毒品，因為佢自細就見到唔少道友因為吸毒而搞到家破人亡，為左伸張公義，所以當佢大個發左達嘅時候就懸紅一億獎金，殺死香港頭號大毒梟。古天樂飾演嘅「地藏」，就正正係嗰位毒梟，所以佢都唔執輸，決定大多余順天一千萬，出夠一億一千萬買返起余順天。
網上圖片
今次係華仔同古仔自《門徒》自後隔左十二年再次合作，咁兩大影帝對決就梗係唔會鬥錢多咁簡單，你出一億一千萬，我就大多你二億。喺戲中就當然有大量動作場面，飛車特技。而且今次仲搭左個一比一嘅中環港鐵站，繼《拆彈專家》怒炸紅隧之後，今次《掃毒2》就有港鐵站飛車！
網上圖片
近日最新嘅海報出爐，余順天同地藏兩個人互相對峙，影帝之間嘅天地對決，淨係個海報都已夠晒霸氣。仲有就係兩個人嘅背景充滿白粉，隱喻兩個人係受毒品所害，陷入鬥爭。遲啲呢兩幅海報就會兩張合併埋一齊出街，到時千祈唔好畀眼前嘅景象嚇親。
