《掃毒2》劉德華紥住髮髻真刀行家法 古天樂差啲冇晒手指
今次《掃毒2》華叔會以Man bun造型亮相，MK度急升。
網上圖片
邱禮濤執導，劉德華、古天樂、苗僑偉、林嘉欣主演的《掃毒 2 天地對決》，將會喺七月十六日上畫。近日電影又再推出雙雄告，今次就揭示左以前劉德華同古天樂原來有過兄弟情。而且，喺預告可以見到劉德華幾咁仇視嘅毒販，唔單止出夠一億懸紅追殺古天樂，佢仲用極盡殘忍嘅方法殺死其他毒販，相當血腥。
網上圖片
今次嘅最新預告嘅畫面就更為暴力，喺片中見到某個毒販就被人私下處決，成個背脊都插滿毒針。另外仲有兩個年輕毒販，畀人監生掟落街，仲要畀車碌過，相當可怕。
網上圖片
喺戲中，余順天同地藏本來係同門手足，相識廿幾年，但因為地藏唔守社團，私下賣毒品，而阿公鄭則仕就下令執行家法。結果好兄弟余順天就親自行家法，斬手指。
網上圖片
華仔對上一次紥髻就應該係《愛君如夢》
華仔對上一次紥髻就應該係《愛君如夢》
雖然只係拍戲，但因為拍戲嘅時候會用到大量近鏡，所以導演就要求用真刀拍呢場斬手指戲，華仔同古仔喺時間同角度一定要夾得準。古仔喺其他訪問就話，華仔啲動作極為敏捷，如果佢慢少少就真係會冇晒手指。而華仔就相當滿意自己嘅Man Bun Look（男人髮髻），佢就話用左唔時間準備，仲話自己好耐冇駁髪紥辮，執行家法嗰陣成個武士咁。
