癲過戰鬥民族 大學泳隊齋著泳褲游「雪」
上周末美國東岸突然受大雪吹襲，一群喬治亞理工學院游泳隊隊員，原本遠赴維珍尼亞進行訓練，但亦因大雪關係而取消。在漫天風雪的情況，無阻他們訓練的決心，決定無游泳池都照游，喺雪地上「跣」足四式，成為「冬天的冠軍」。
（AP圖片） 影片可見，只見游泳隊員都穿上三角泳褲，打大赤肋，睇見都覺得凍。然而，第一個準備「游水」的隊員已蹲在雪中，在聽到一聲「去」後，便即時使出背泳，徐徐往雪中滑去。在他「游雪」時，只見到他數聲哀號、慘叫，認真「玩命」。
（AP圖片） 第二個選手仲誇張，喺第一個選手完成來回後，便即飛身跳入雪走，再使出蛙式，去前邁進。其後兩個選手的情況亦相似，一個游蝶式，一個游自由式，完成「4x10」米的游雪創舉。
（AP圖片） 
