《追龍II》又講賊王 五部關於賊王嘅港產片
講賊王嘅電影有好多，不過就唔係套套都好睇嘅。
嚟緊《追龍II：賊王》就會喺六月六日上畫，咁其實香港一直都有好多關於賊王嘅作品，今次喺度介紹一下。
1.《省港旗兵》1984
網上圖片
《省港旗兵》由麥當雄執導，電影以寫實手法拍攝，電影講述一班「大圈仔」由中國偷渡到香港打劫，最後全數成員畀警察亂槍殺死。所謂「大圈仔」即泛指落嚟香港打劫嘅內地悍匪，佢地大部分都係退伇軍人或做過紅衛兵嘅中共高幹子弟，所以相當熟悉槍械運作。喺戲中，九龍城寨追逐戰場面，為香港電影史最經典一幕。而喺《省港旗兵》入面，除左主角林威係邵氏演員之外，其他飾演「大圈仔」嘅演員全部真實身分都係大圈仔，相當誇張。
2.《賊王》1995
網上圖片
《賊王》由李修賢導演，任達華、關秀媚主演。大賊任家華（任達華 飾)利用女朋友ANN(關秀媚 飾)嘅情報，再加埋高科技手法，成功洗劫解款車嘅天文巨款。重案組總督察李鐵堅（李修賢 飾）調查之下知道任家華與ANN與此案有關，但苦無證據，於是對兩人以嚴刑逼供，務求將兩人定罪。
3.《驚天大賊王》1998
網上圖片
《驚天大賊王》同樣由任達華主演，飾演「張子豪」一角，在電影中張子豪與中國悍匪「葉世官」結盟，齊齊食大茶飯綁架超級富豪。在戲中，富豪兒子被綁，但他沒有報警，直接聯絡北京高層，再由香港警察提供線索予中國公安，最後成功令張子豪於內地落網。
4.《轟天綁架大富豪》1999
網上圖片
《轟天綁架大富豪》由呂良偉主演，劇情與《驚天大賊王》相似，劇情講述熟讀法律知識的戴富強（呂良偉 飾）在機場貨運站打劫解款車，搶走一億七千萬現金。其後他認識中國悍匪陳星，他就開始計劃綁架香港兩大富豪。
5.《樹大招風》2016
樹大招風
《樹大招風》由三位新晉導演執導，由林家楝、任賢齊、陳小春主演。電影以1997主權移交前夕為背景，由三大賊王受到不同風聲影響，打算攜手合作之時卻在最後一刻遭逢末路。表面上《樹大招風》為一部普通警匪片，但其實電影影透過三個賊王帶出香港人面對九七年的不安情緒，藉着三個大賊反映香港人心態。《樹大招風》不但入圍柏林國際電影節，更橫掃香港電影金像奬各大奬項，包括最佳電影、最佳導演、最佳編劇、最佳男主角、最佳剪接。
