暑假各大猛排住隊咁上 七部西片港產片上畫日期

2.《反斗奇兵4》
上畫日期：七月十一日




《反斗奇兵》系列陪伴每個成長，今次推出第四集，好多人都擔心係狗尾續貂。不過睇返預告其實效果比起預期好，今次仲有奇洛李維斯加盟，為新角色勁爆公爵配音。今集故事講述胡廸要拯救小叉，全體角色出動到嘉年華救人，而胡廸仲會重遇舊情人寶貝，未知會唔會重燃愛火？

3.《掃毒2：天地對決》
上畫日期：七月十六日



咁當然唔少得本土電影，《掃毒2：天地對決》今次兩大影帝對決，劉華大戰古天樂。劉德華懸紅一億刺殺大毒販古天樂，廿年兄弟反目成仇。咁當然香港警匪片唔少得花樽女演員，今次就揾嚟兩大女神林嘉欣同周秀娜襯托兩位影帝。

4.《獅子王》
上畫日期：七月廿五日

迪士尼一向雄霸暑假檔期，《獅子王》將會緊接《反斗奇兵4》上畫。今次係改編九四年嘅經典動畫，以真人版電影重現原版動畫劇情。

5.《狂野時速：雙雄聯盟》
上畫日期：八月一日



眾所周知，兩大光頭巨星雲迪素同狄維莊遜反晒面，所以電影公司特登開套外傳等佢地唔洗同台演出。今次《狂野時速：雙雄聯盟》繼續追求官能刺激，就算劇情唔合理都冇所謂，最緊要睇得開心。