今年最令人期待嘅賽車電影《福特 Vs 法拉利》 十一月雙雄飆風
唔係一味靠快就可以贏到法利拉，最緊係睇車手係邊個。
網上圖片
網上圖片
《福特 Vs 法拉利》戲名直接有力，由金球奬影基斯頓比爾同麥廸文主演，劇情講述美國汽車設計師卡羅雪比接受福特汽車老細亨利福特二世嘅任務：打造一部史上最強嘅冠軍車款，務求砌贏法拉利，拎到1966年嘅法國「利曼24小時耐力賽」。但係要贏到法拉利淨係靠速度係唔夠，所以卡羅雪比就邀請左英國傳奇賽車手健邁斯（Ken Miles）落場比賽。兩個攜手對抗企業霸權，打破速度限制，戰勝心魔，成功打造傳奇賽車，擊敗法拉利。
網上圖片
《福特 Vs 法拉利》嘅預告出左之後大受好評，預告仲要特登用左Rolling Stones嘅《Gimme Shelter》做配樂，完全襯到絕。由預告見到嘅賽車場面相當之刺激咁係因為導演James Mangold沿用返佢喺《盧根》嘅風格，堅持高成本實景拍攝，拒絕濫用綠幕同CG，力求呈現最真實嘅賽車場面。
網上圖片
除左賽車場面之外，《福特Vs 法拉利》仲集合兩大好戲之人基斯頓比爾同麥迪文，雙雄對決大鬥演技。導演仲話兩位演員嘅演技喺今次到去到職業生涯嘅頂峰，佢仲話基頓比爾同傳奇車手健邁斯本人好似，兩個都冇興趣要做明星，只係一心一意投入賽車藝術，只係想贏到冠軍。
網上圖片
《福特Vs 法拉利》將會喺十一月十四日正式上畫。
