【追龍II賊王】個仔畀人綁架 前警隊一哥叫有米老竇唔好報警？
只要有錢，就連警察都可以全心全意去保護你嘅生命財產。
網上圖片
最近上畫嘅《追龍II》係以張子強為藍本，當年佢成功綁走李澤鉅同郭炳湘，拎到十幾億贖金，之後潛逃上中國。喺香港警察提供線索之下，中國公安成功拉人，最後中國當局以張子強喺中國「策劃」犯案為由，將佢槍斃，呢單案當年仲引起香港同中國兩地司法矛盾。
網上圖片
救返誠哥長子嘅第一功臣就一定係前警務處處長李君夏，當大仔被綁之後，誠哥第一時間揾李君夏幫手。雖然李君夏曾經係警察一哥，但佢竟然叫誠哥唔好報警，仲要問返誠哥仲有幾多個仔。其實都係緩兵之計，張子強綁住炸彈上門同誠哥講數，誠哥仲展示自己誠意，開晒屋企每道房門，顯示畀佢睇真係冇警察，仲話自己做左咁多年生意最講信用。之後誠哥交左贖金之後，囝囝終於平安返屋企。反而，郭炳湘就完全唔同待遇，因為佢開頭唔肯交贖金二十億贖金。所以張子強除晒佢啲衫，鎖佢入一個細箱，折磨佢近一星期。之後郭炳湘畀左六億終於甩身，但佢亦因為咁而心靈受創，確診抑鬱症。
網上圖片
成單綁架案之後有驚無險，但誠哥當然要即做嘢，加強返自己嘅保安工作。李君夏係香港開埠以嚟第一個華人一哥，以前更加喺政治部做過特工，去過英國情報機關軍情五處訓練，所以誠哥就重金請佢負責家族嘅保安工作。
網上圖片
李君夏為誠哥挑選二十幾個啹喀兵，即係來自印度同尼泊爾僱嘅傭兵，九七前喺香港專門負責邊防事務。除左因為呢班啹喀兵自細接受軍事訓練好打得之外，最重要係佢地唔識中文，唔會洩漏誠哥嘅秘密。而呢班啹喀兵每人年薪千萬，誠哥請左佢地之後，其他富豪都爭住用，當然包括郭炳湘。
除左請左保安之外，李君夏當然唔會忽視硬件設施，佢加強左誠哥屋企唔少嘅保安設備，包括喺屋企入面加左安全室，喺德國訂造左幾架防彈寶馬房車。最後誠哥用左七億去搞連一連串嘅升級保安工作，咁生命係無價，用七十億去搞都抵返晒啦。
