《復仇者聯盟4》加入絕密刪減片段重新上畫 誓破《阿凡達》紀錄
如果香港有上呢個「加長版」，大家到時又會唔會入場呢？
網上圖片
相信唔少影迷都翻睇左無數次《復仇者4》，等緊幾時出碟，不過嚟緊大家可能又要入戲院睇多次。因為最近Marvel Studios總裁Kevin Feige就喺《蜘蛛俠：決戰千里》嘅倫敦宣傳就公布，《復仇者4》將會再上映新版本。不過就唔係加長版，因為本身已經好長，只係喺Credit後面加埋刪減片段同埋驚喜致敬片段。
網上圖片
《復仇者4》喺今年四月尾全球上畫，全球票房超過二十七億美金，而家仲有少量院線放映。《復仇者4》嘅票房距離史上最高房嘅《阿凡達》仲差四千幾萬美金。不過，而家Marvel Studios重上呢個「加長片尾版」就應該有望打破《阿凡達》紀錄。
網上圖片
「加長版」《復仇者4》將會喺下個禮堂，喺美國上映，而家仲未知其他國家有冇得睇。不過呢啲「加長版」嘅內容，到時喺DVD、Blu-ray 都應該有得睇。
網上圖片
《蜘蛛俠：決戰千里》就會緊接「加長版」《復仇者4》上畫，睇嚟Marvel Studio 今鋪搏到盡，務求一定要撼贏《阿凡達》贏到全球票房冠軍。
