Hit爆全球遊戲《返校》改編真人電影 女主角王淨有樣有演技仲有才華
「你係唔記得，定唔敢記得？」不過大家一定會記得邊個係王淨。
網上圖片
台灣華納兄弟近日正式公布會改編暢銷台灣恐怖遊戲《返校》做電影版，而且仲公開埋電影版嘅預告同劇照，電影版由王淨主演。《返校》講述六十代嘅台灣，翠華中學中六學生方芮欣（王淨 飾）同輔導老師張明暉拍拖。張明暉就同其他朋友搞讀書會讀禁書，喺白色恐怖之下，每個人有機會畀政府殺死。某日，張明暉失蹤，只有方芮欣同中五學生魏仲廷仲記得佢，於是佢地兩個就一齊去揾失蹤嘅老師。但係，佢地開始遇到恐怖嘅事，逐漸揭開可怕嘅真相。
網上圖片
今次想重點介紹一下女主角王淨，大家可以聽下佢唱《小幸運》先。
網上圖片
今次《返校》由台灣新世代演員王淨主演，今年21歲嘅王淨喺2017年拍左台灣電影《痴情男子漢》而入行，之後仲拍左叫好叫座嘅劇集《你的孩子不是你的》。當年王淨搭緊的士唱歌，畀司機拍低擺上網（架的士係司機改裝過，如果乘肯唱佢點嘅歌就免費畀佢搭車）。王淨因為人靚聲甜，所以之後喺唔同嘅網絡平台成名之後就直接出道，佢喺其他訪問仲話以為自己會做歌手，估唔到後來做左演員。
網上圖片
王淨唔單止樣靚，演技好，原來仲係個才女。喺王淨仲讀緊中學嘅時候，佢就已經推出左第一本小說《芭樂愛情》，。後來喺19歲嗰陣就有第二本作品《蟑螂哲學》，呢本作品仲畀人買改編權，將會拍成偶像劇，認真架勢。
網上圖片
《返校》真人電影預定 9 月 20 日於台灣上映。
