【微劇透慎入】小丑JOKER同蝙蝠俠居然係親兄弟？
好期待新Joker嘅演技！
網上圖片
康城影帝華堅馮力士主演嘅最新DC電影《JOKER》將會喺十月上畫，早前電影公司搞試會，有睇完嘅人就即刻劇透，今次就會講下《JOKER》嘅重點劇情畀大家知。
網上圖片
《JOKER》講述喺1981年嘅葛咸城，原名Arthur Fleck嘅小丑，本身係個全職小丑，喺一間藝人公司打工。但係因為Arthur 一緊張嘅時候會忍唔住係咁笑，所以佢要定期見心理輔導。佢本身就同阿媽一齊住，係屋企嘅經濟支柱。
網上圖片
不過好景不常，Arthur不幸畀人炒魷，仲要因為本身成日怪笑，所以喺地鐵畀人打，搞完全失去理智。之後佢喺條街殺死三個騷擾女仔嘅變態，殺完人之後Arthur以「小丑」形象示人，發起反上流人士運動。佢仲嘗試表演棟篤笑，但完全唔受歡迎，之後佢仲瘋狂咁踼一個男人洩憤。
網上圖片
呢個時候，一個電影節目主持人Murray Franklin（羅拔迪尼路 飾）偷拍Arthur 嘅演出，兼夾喺節目播出街公開恥笑。不過後尾Arthur 現身節目，兼開槍殺死主持，之後佢仲呼籲市民加入佢嘅反上流運動。
網上圖片
另一邊廂，蝙蝠俠老豆Thomas Wayne競選緊市長，但係基層市民對佢非常反感，因為Thomas Wayne只係可以代表到百份之一嘅有錢人。但係，原來Arthur Fleck嘅阿媽以前曾經同Thomas Wayne打工，不過後來因為兩母子都有精神病而畀人趕走。最重要嘅係，Thomas Wayne曾經同Arthur個阿媽偷情，之後仲大肚生左Arthur 。即係話，小丑同蝙蝠俠係同母異父嘅親兄弟。
網上圖片
不過，其實所有嘢都係因為Arthur嘅阿媽太迷戀Thomas Wayne，所以就幻想佢地兩個成日偷情。而事實就係，Arthur細細個嘅時候就畀佢阿媽個男朋友虐待，後來先知原來佢阿媽係幫凶！喺戲入面仲會提到蝙蝠俠父母係點樣死法，而今次嘅死法係其他蝙蝠俠電影從來都未見過。喺電影嘅尾聲，小丑殺左一個非常重要嘅人物，之後就畀人捉左入精神病院。
網上圖片
睇完劇透嘅觀眾就大力讚賞華堅馮力士嘅演技相當出色，就算贏埋奧斯卡最佳男主角都冇問題。
