【復4】鷹眼拍緊嗰陣原來乜都唔知 編劇話10年內鐵甲奇俠都唔會翻生
即係十年後有機會見返Iron Man ?
網上圖片
MCU十年大作《復仇者聯盟4》，而距離世界票房冠軍寶座只係差四千萬美金，遲下「加長版」上埋的就一定會破《阿凡達》嘅紀錄。「」謝洛美維納喺上集《無限之戰》唔見影，今次終可以見返佢喺大銀幕出現。不過鷹眼最近接受外國傳媒訪問，佢就坦白承認喺片場嘅時候其實唔知自己做緊咩。
網上圖片
喺《復仇者4》嘅開場就係鷹眼教個女射箭，但突然間老婆同個女化成灰燼，搞到佢唔知點好。其實謝洛美喺拍攝嘅時候，都係同角色一樣完全唔知咩事，因為三、四集係連住開拍，所以佢本人係唔知《無限之戰》嘅結局係魁隆彈指滅世。喺拍《復仇者4》第一場戲，一開波老婆同個女都唔見晒人，搞到佢唔發生咩事。
網上圖片
除此之外，因為MCU系列陪左觀眾十，入面嘅靈魂人物東尼史達壯烈犠牲，有影迷發起聯署希望可以畀鐵甲奇俠翻生，但其中一個編劇Christopher Markus就話，未來十年都唔會畀已經過生嘅英雄翻生，因為咁樣先會令佢地嘅死有戲劇張力，如果死過翻生會令觀眾覺得只係噱頭。
網上圖片
