【生死時速25周年】十大《生死時速》幕後趣聞
好戲不妨一再重温。
《生死時速》今年已經上映廿五周年，就算而家重温返呢部經典電影都唔會覺得老土。歷久常新，簡單一個道理，今日就同大家分享一下呢部戲當年嘅幕後花絮。
1.《生死時速》靈感源自大師作品
網上圖片
《生死時速》嘅靈感係源自於1985年嘅電影《暴走列車》(Runaway Train)，呢部戲係由日本電影大師黑澤明創作劇本，原本大師打算喺1966年嘅時候開拍，不過就揾唔到投資。最後劇本就展轉去到荷李活電影公司，最後由前蘇聯導演岡查洛夫斯基拍成《暴走列車》。
2.原本係由塔倫天奴做導演
網上圖片
原本電影公司有揾過昆頓塔倫天奴(Quentin Tarantino)做《生死時速》嘅導演，不過佢就拒絕左邀請，可能嗰陣佢可能拍緊《危險人物》(Pulp Fiction)。塔倫天奴後來喺某個訪問度透露《生死時速》係自1992年以嚟其中一部最鍾意嘅電影。
額外連結：https://www.imdb.com/list/ls003517000/
3.《復仇者聯盟》編劇有份寫劇本但冇署名
網上圖片
喺《生死時速》入面，大部份精警嘅對白都係由佐斯韋頓(Joss Whedon)創作，同埋負責修改奇洛李維斯嘅對白。由佐斯韋頓嘅編劇作品包括《反斗奇兵》、《正義聯盟》、《復仇者聯盟》、《復仇者聯盟2：奧創紀元》等等，但《生死時速》最後都冇掛正式名做編劇。最後導演就送左一張經典場面嘅海報畀佐斯韋頓，上面仲佢嘅編劇署名。另外，呢一場巴士飛越維未起完嘅高速公路I-105，係導演拍之前諗到，原本劇本冇呢場戲。
4.原本係荷爾芭莉做主角
網上圖片
原本電影公司想揾荷爾芭莉做女主角，不過後來就拒絕左。之後就揾左珊迪娜布洛主演，佢喺拍之前就已經考埋巴士牌，但係拍緊嘅時候有啲鏡頭係由替身完成。
6.奇洛剷軍裝頭嚇死投資者
網上圖片
因為奇洛李維斯原本就留長頭髮，但係導演覺得長頭髮唔似差佬，而奇洛都同意。所以後來奇洛就決定要剷個軍裝頭，投資呢部戲嘅二十世紀霍士見到佢啲頭髮變到咁短，太過驚嚇。後來公司仲要下令延遲開拍，等奇洛啲頭髮生返出嚟先。
7.霍士封殺奇洛十一年
網上圖片
因為《生死時速》叫好又叫座，所以二十世紀霍士就決定開續集，但奇洛就覺得劇本唔啱而拒絕，第二集就得珊迪娜布洛主演，咁當然續集就強差人意，口碑票房雙失。之後霍士就封殺左奇洛十一年。
8.成套戲最後用左幾多架巴士？
網上圖片
《生死時速》總共用左十四部巴士，唔同嘅巴士就分別拎嚟拍車底、車廂同埋高速行駛嘅鏡頭。另外兩部巴士就用嚟拍爆炸場面。
9.《生死時速》差啲埋唔到尾？
網上圖片
當年劇組拍攝嘅時就超晒支，搞到差啲埋唔尾，後來就搞場試映會，直接用動畫造結尾喺地鐵嘅戲份。結果觀眾都非常之滿意，霍士最後都肯科水完成埋部戲。
10.原本Speed唔係叫Speed
網上圖片
原本《生死時速》嘅英文片名叫"Minimum Speed"，後來就改成"Speed"。不過如果中文譯名就咁叫「時速」就會變成爛片戲名。
