【蝙蝠俠】唔同版本小丑大比拼 邊個演繹先係你至愛？
基本上演技差啲都冇可能做到小丑，每個版本都絕對係經典演出！（乜鬼「招積」「反黑」嗰啲可以行埋一邊）
網上圖片
最近DC電影《Joker》 將會喺十月上畫，其中華堅馮力士嘅演出備受讚賞，有觀眾睇完試映直頭認為佢可以挑戰奧斯卡影帝寶座。單以電影改編嚟講，小丑最搶眼嘅反派角色，甚至可能比起蝙蝠俠更搶戲，自然就要相當有實力嘅演員先可以擔演小丑呢個角色。今次就同大家回顧下過去四位演員嘅演出，喺睇《Joker》之前温定書先。
1.凱撒羅摩洛 (Cesar Romero)
網上圖片
凱撒羅摩洛係史上首位喺大銀幕場嘅小丑，佢喺1966年嘅電影《蝙蝠俠》亮相，喺拍電影之前佢已經喺電視劇做緊小丑。喺當時嚟講，凱撒羅摩洛嘅小丑形象相當深入民心，唔少上兩代嘅觀眾都當佢係最佳小丑。喺2013年嘅時候，美國權威雜誌《TV Guide》仲揀左凱撒羅摩洛版本嘅小丑為「史上最令人毛骨悚然的60大反派」(The 60 nastiest villains of all time)，可見幾咁經典。
2.積尼高遜(Jack Nicholson)
網上圖片
當年添布頓開拍《蝙蝠俠》嘅時候就已經計劃要揾一個實力派演員去做小丑，最後用左唔少誠意打動一早已貴為奧斯卡影帝嘅積尼高遜做小丑。結果證明呢個決定非常正確，積尼高遜技壓全場，基本上都冇人會記得男主角米高基頓。
3.希夫烈達(Heath Ledger)
網上圖片
當年喺《蝙蝠俠:黑夜之神》嘅演出技驚四座，本身希夫烈達已經係好戲之人，早年憑李安導演《斷背山》提名奧斯卡最佳男主角。可惜，當年部戲上畫冇耐希夫就意外服食唔同種類藥物以致孳物中毒過生。之後希夫憑藉小丑一角贏左當屆奧斯卡最佳男配角，好遺憾佢冇辦法親身領奬。
4.謝拉力圖(Jared Leto)
網上圖片
唔少觀眾都覺得《自殺特攻：超能暴隊》係DC最爛電影，謝拉力圖版本嘅小丑變到淪為大茄。謝拉本身都係演技派演員，佢之前都拍過唔經典作品，例如:《迷上癮》、《狂林戰曲》。近年佢就以《續命梟雄》贏到奧斯卡最佳男配角。
不論大家鍾意邊個版本嘅小丑都好，基本每個做小丑嘅演員都一定係演技好，永遠都係DC系列最搶鏡嘅反派。
