【Netflix動畫】《衝吧烈子》第二季 繼續爆粗搖滾插老細
激烈地暴走吧！
佢呢就叫做烈子，做緊打工仔嗰時就係日頭，爆晒粗唱Death Metal嗰陣呢就係夜晚。有一樣嘢我比人地另嘅就係我唔會辭職，但係我同其他人一樣都係怕窮嘅。我希望每個人都識唱我呢隻Death Metal。我淨係識呢啲架咋！你份工如何，你的人工也必如何。
網上圖片
最近Netflix新上架唔少動畫，近期嘅《愛·死·機械人》大受好評，仲有輕鬆系列嘅《鬆弛熊與小薰》。由Sanrio最新原創出品動畫《衝吧烈子》，一推出嗰就己經好評不絕。而第二季就播出冇耐，烈子繼就用佢得意嘅小熊貓臉孔，盡情大唱金屬搖滾。
網上圖片
烈子係個25歲嘅OL，畢左業之後做左五年嘢都仲係低層員工，成日都畀上司同事恰。佢日頭返工就死忍爛忍，每晚收工嘅時候就包間K房，大唱Death Metal 一解怨恨！烈子每集都會唱盡打工仔心聲，完全唔會避忌。所以呢部動畫擄獲全球觀眾青睞，不論男女都一樣咁鍾意。
網上圖片
第二季《衝吧烈子》一樣每集十五分鐘，仲有廣東話配音，繼續搖滾插老細。上季講到，烈子終於可以同兩位女高層成為好朋友，大家收工晚晚齊齊唱K。而今季就有唔少新角色加入，首先烈子媽媽成日突然去佢屋企，事先又冇通知，仲要係咁管佢啲私事。最令烈子覺得又煩又勞氣嘅就係，阿媽成日帶男仔同佢相睇，成日叫佢早啲結婚，仲話過多幾年冇人要。
網上圖片
至於喺職場方面，公司嚟左個極品新同事，教佢做嘢仲要鬧人態度差，而且仲要烈子限時覆E-Mail，如果唔係就同老細篤灰。
網上圖片
烈子惟有絕望咁唱K發洩，但呢個時候烈子遇到心儀嘅男仔。佢揸車學嘅時候遇一個男仔，開頭以為佢係失業大軍，飽食終日，無所事事。但之後烈子都係忍唔到，對有傾慕之情。點知後先發現，原來心儀對象係IT界鉅子！幾番轉折之下，烈子終於揾返人生意義。
網上圖片
