《黑寡婦》電影新角色人選亮相 新生代演員科倫絲佩芝為下任「黑寡婦」人選
長江後浪推前浪，一代新人係唔係又真係好過舊人呢？
網上圖片
Marvel超級英雄黑寡婦嘅獨立電影而家就馬不停蹄咁拍攝，MCU早前就公布23歲嘅科倫絲佩芝(Florence Pugh)就做女配角。最近《黑寡婦》片場花絮就流出，原來科倫絲嘅角色就係第二代黑寡婦「Yelena Belova」。
網上圖片
科倫絲佩芝一九九六年喺英國牛津出世，佢係近其中一位炙手可熱嘅新生代明星，佢喺二零一六年主演電影《惡女馬克白》大發異彩，佢憑呢部作品贏左英國獨立電影奬最佳女主角，年紀輕輕就已經係影后級人馬。
網上圖片
唔少人覺得因為科倫絲生得有幾分似施嘉莉，所以先會中到今次選角。但另有傳指出，導演係因為科倫絲演技出眾先會揀中佢。唔理點都好，科倫絲絕對係近年唔先導演嘅最佳人選，因為佢今年有好多演出機會。例如佢擔正《祖孽》導演新作《Midsommar》，仲有份參演星光熠熠嘅《小婦人》。
網上圖片
Yelena Belova呢個角色喺一九九九年三月出版嘅《Inhumans #5》出場，佢同「黑寡婦」Natasha Romanoff一樣都係俄羅斯「Red Room」入面受訓嘅間諜，算係黑寡婦師妹。Yelena 曾被組織欽點做第二代黑寡婦，受命去刺殺Natasha，後來佢地兵釋前嫌，成為同伴。佢喺Natasha身上學到，唔好為國家盲目付出，要揾返自己嘅特性。同時佢地都明白到，你愛國家，但國家永遠都唔會愛你。
網上圖片
後Yelena加入神盾局同「New Avengers」一齊執行任務，但因為某次行動失敗而受重傷，搞到同上司反面。之後反派組織九頭蛇出手招攬Yelena，一度同神盾局對立，但其後任務失敗而畀九頭蛇趕走。喺Natasha死左之後，Yelena再次繼承黑寡婦嘅名號，繼續搜捕九頭蛇餘黨。
網上圖片
《黑寡婦》嘅獨立電影係前傳故事，Yelena Belova好大機會係同MCU之後嘅發展有關。喺原著佢係第二代黑寡婦，而仲係同「New Avengers」有關。而呢個系列更加涉及蜘蛛俠、神奇四俠同埋變種特攻。元祖復者成員已經相繼淡出，相信將會有更多新角色接捧承傳。
