《娃鬼回魂：魅來世界》美國上畫大獲好評 睇完可能會驚到掉埋屋企隻公仔
《反斗奇兵》同今次《娃鬼回魂》嘅男主角都係叫安仔，兩部電影系列都係同玩具相關。莫非... ...
網上圖片
《娃鬼回魂：魅來世界》喺上個星期五已經喺美國開畫，英國權威報章《衛報》就評論電影為：「惡趣味得嚟又充滿娛樂性」；另外電影評論網站「MOVIEHOLE」甚至將《娃鬼回魂》評為年度「驚」喜之作！因為今次卓奇擁有人工智能，比起之前系列更加可怕。
網上圖片
最近《娃鬼回魂：魅來世界》嘅最劇照曝光，觀眾可以見到擁有人工智能卓奇可以同人即時交流同埋學習，所以喺電影入面佢可以同主角安仔一齊捉棋鬥智。今次卓奇係加強版，睇怕安仔都好難走得甩。
網上圖片
今次嘅《娃鬼回魂：魅來世界》係由《小丑回魂》監製嘅暑假「懼」獻，務求不論心理定生理都要觀眾嚇到慒。今次故事講述單親媽媽送左一隻智能人型公仔卓奇畀安仔，但估唔到卓奇原來已經畀惡靈附身。而且卓奇仲內置高技識別科系統，兼有WIFI功能，變成最強人兵器，仲可以連接埋網絡向全球人類大殺特殺。安仔今次惟有同朋友攜手奮戰，誓要擊敗加強卓奇，逃出生天。
網上圖片
