五部科幻片嘅有趣設定 啓示未來世界發展
當年嘅科幻片設定，可能好快就會變成現實... ...
由1927年嘅《大都會》、1968年嘅《2001太空漫遊》，再到今日《黑鏡》系列。科幻片一直都係咁受歡迎，主要係因為佢滿足左人類對未來嘅想像，不論衣食住行定大世界觀都有仔細描寫。例如《回到未來》嗰對自動綁鞋帶嘅波鞋同者懸浮滑板，呢啲設定都畀觀眾睇到未來嘅可能。今次我地一齊回顧下五部科幻片入面嘅有趣設定。
1.《潛行兇間》：偷入夢境
網上圖片
現代人可以做黑客，Hack入電腦偷人錢。不過喺《潛行兇間》入面，導演基杜化路蘭話畀大家知，直接入夢境改變人嘅諗法最實際。戲入面直有一隊小組，用高科技潛入目標人物夢境，改變佢嘅諗法，影響一個企業王國嘅決定，賺更多錢。
2.《觸不到的她》：感情豐富嘅人工智能
網上圖片
AI一直都係廿一世紀最為人關注嘅議題，喺《觸不到的她》入面，男主角同AI發生感情同埋肉體關係。喺電影尾聲，AI最後因為出現問題而要停用，主角被逼分開，最後都係回歸返人嘅懷抱，可見導演嘅對於人工智能嘅立場。
3.《阿凡達》：轉移意識
網上圖片
《阿凡達》目前全球最賣座嘅電影，喺戲入面講述人類殖民外星，壓逼原居民，最後男主角調轉槍頭幫返原住民。而《阿凡達》入面人類財團將男主角嘅意識轉移到自已培殖嘅外星人身上，並企圖安插佢做臥底收情報，幫助自己入侵納美星，最後邪惡嘅人類當然冇辦法得逞。如果科技真係可以做到轉移意識的話，人類會唔會因為咁而對其他生物好啲？
4.《智能叛變》：機械人反噬
網上圖片
機械人經常喺科幻片入面出現，係最接近人類嘅「物種」。而《智能叛變》探討未來世界，當機械人全面取代人類，咁人類應該點做？機械人會唔會有失誤？冇情感倫理嘅判斷之下會唔會做錯決定？
5.《謊島叛變》：活摘複製人器官
網上圖片
米高比爾生平難得一見有思想有深度嘅電影《謊島叛變》，電影講述只要有錢，就可以有任何健康器官可以用，隨時續命。只不過啲器官喺自己嘅複製人身度嚟。而呢個意念慢慢變成現實。
