《風在吹》甘宇成搏盡減磅扮痴呆 演技大挑戰
甘宇成扮完cancer病人再扮痴呆，真係辛晒。
網上圖片
兩夫妻熱情冷卻，婚姻只係得返責任，可能好多人會好似韓劇《風在吹》嘅女主角咁，想生返個小朋友，希望挽救婚姻。
網上圖片
《風在吹》由甘宇成、金荷娜主演，講述道勛（甘宇成飾）同秀珍（金荷娜飾）係大學同學，之後兩個決定唔理父母反對而結婚。但係結婚五年，道勛開始冷落秀珍，於是秀珍想生BB希望可以拯救婚姻。但係道勛一口拒絕，仲話自己已經結紮，激到秀珍話要離婚。六年之後，兩人又再相遇，但道勛己經唔認得自己，呢個時候佢先發現，原來當日道勛應承離婚，原來係因為佢已確診痴呆症。
網上圖片
呢次甘2宇成係繼《能先接吻嗎》之後再度飾演病人，由生Cancer變做癡呆症。甘宇成喺訪問度覺得，就算每個人嘅人生睇落好相似，但大家各自都係會以唔同嘅方式去生活，佢仲表示希望觀眾可以代入「道勛」呢個角色去睇《風在吹》。甘宇成為呢部作出好大犧牲，今年四十八歲嘅佢，為左演出效果更加接近癡呆症，專程喺拍攝中途用最好少時間極速減廿四磅，可謂相當專業。大家可以留意，喺第六集打後甘宇成身型明顯瘦一大截。
網上圖片
《風在吹》逢星期一、二9:30pm韓國JTBC播映。香港觀眾可以喺「黃viu」煲劇台睇到。
