【蜘蛛俠︰決戰千里】入場前記得重温呢五部作品
睇之前好重温返晒啲舊作喇！
《蜘蛛俠：決戰千里》搶先美國喺香港上畫，今次就係MCU第四階段嘅關心，除左一次過解答晒喺《終局之戰》留低嘅BGU之外，亦都同其他MCU嘅作品一樣，呼應其他作品。所以入場前記得重温五部舊作，費事到時入場睇到一舊雲。
1. 《蜘蛛俠：強勢回歸》
網上圖片
《蜘蛛俠：決戰千里》就係《強勢回歸》嘅續集，咁當然係要睇返啦。
2. 《復仇者聯盟4：終局之戰》
網上圖片
喺時間線嚟講，《決戰千里》係喺《終局之戰》後八個月嘅故事，今次電影嘅主線係講彼得柏加喺失去契爺之後嘅心路歷程，克服傷痛繼續拯救地球。
3. 《Marvel隊長》
嚟緊MCU第四階段，Marvel隊長同蜘蛛仔將會非常重要，《Marvel隊長》 表面上好似同《決戰千里》冇咩關係，而預告都講到明佢喺宇宙做緊其他嘢唔會有時間，所以今次唔會有貝兒娜森客串。但其實電影喺片尾彩蛋已經收埋左連接《Marvel隊長》嘅伏筆，所以大家要重温下。
4. 《鐵甲奇俠》
網上圖片
忠實影迷可能都會留意到，《強勢回歸》開始鐵甲奇俠同蜘蛛俠之間己經有承傳關係嘅伏筆，到今集大家仲會見證到蜘蛛俠成為新一代嘅救世英雄。今次《決戰千里》入面就出現唔少向《鐵甲奇俠》致敬嘅細節，例如配樂、歌曲，如果唔想走漏眼記得重温返。
5. 《美國隊長3：英雄內戰》
網上圖片
今次《決戰千里》嘅高潮戲就同《美國隊長3：英雄內戰》 嘅頭二十分鐘好有關係，尤其是東尼史達造訪麻省理學院嘅一場戲就相當重要。
