【我仲算劇透？】影迷鬧爆《復4》重映版 變型俠醫「原汁原味」驚世現身
咁樣反而有興趣去睇多次！
雖然《復仇者聯盟4：終局之戰》全球票房就有27億6,500萬美元，但係都打破唔到《阿凡達》嘅票房紀錄。為左創造紀錄，Marvel Studios決定新增刪減場面再重上《復仇者聯盟4》。
網上圖片
《復仇者聯盟4》上星期喺美國重映，但美國觀眾一致鬧爆呢部重映版。究竟點解會咁呢？
網上圖片
喺重映當日，導演羅素兄弟就公佈左新加嘅畫面內容，喺重映版嘅《復仇者聯盟4》就會有《蜘蛛俠：決戰千里》嘅頭兩分鐘片段，同埋一段變型俠醫嘅刪減戲份。但係變型俠醫嗰段係未完成嘅片段。
網上圖片
呢幕戲係講述變型俠醫喺一楝着火嘅大樓入面救人，救完人之後就收到美國隊長電話，就話鐵甲奇俠拒絕左隊長本人嘅要求，黑寡婦同蟻俠就喺度處理時間旅行問題。之後三個人就約左喺餐廳見面。但變型俠醫救人嘅戲份就被剪走，不過大家喺戲院睇嘅片段似乎完全冇經過任何後期製作，變型俠醫個口完全冇郁過，唔講以為睇緊翻版《復仇者聯盟4》。唔少睇過重映版嘅觀眾就上網鬧爆。
網上圖片
雖然大家都怒插變型俠醫嘅新加戲份，但係致敬史丹李嘅鏡頭就大家都讚好。
網上圖片
