【妖怪手錶五周年】《妖怪手錶：永遠的朋友》感動萬千觀眾 小粟旨傾力聲演
然今次冇地縛喵同威斯帕，但都一樣咁精彩！
網上圖片
日本人超人氣動畫《妖怪手錶》五周年，第五部嘅電影版《妖怪手錶：永遠的朋友》已經喺香港上畫。今次可謂係咁多集入面最感人嘅作品，三位少年同佢地嘅妖怪拍擋一齊展開冒險，拯救家人。而且今次仲會有巨星小栗旬同埋知惠美千惠為電影版聲演，陣容豪華。同埋電影主題曲由亞洲天團東方神起主唱，真係不得了。
網上圖片
《妖怪手錶：永遠的朋友》喺日本上畫嘅時候大受歡迎，一共拎到十億日圓票房（約七千二百萬港紙），相信香港觀眾都會鍾意。
網上圖片
《妖怪手錶：永遠的朋友》嘅故事講述喺六十年代嘅東京櫻元町，過住貧窮生活嘅少年下町心，因為失去相依為命嘅媽媽而一蹶不振。但喺呢個時候，同樣痛失至親嘅高城一希同埋另一位少女星多江出現左，佢地三個人加埋一班妖怪拍擋一齊並肩作戰，以搶返摯親靈魂為目標，展開奇妙冒險旅程。
網上圖片
今集故事嘅時間發生喺第一部電影版《妖怪手錶：誕生的秘密喵！》同埋第二部《妖怪手錶：閻魔大王與五個故事喵！》之間，但係今集嘅關鍵道具竟然同三十年後嘅現代世界《妖怪手錶：光影之卷》有關連。所以今集嘅《妖怪手錶：永遠的朋友》串連左所有系列，成為史上規模最大嘅電影版，所有妖怪迷必睇之作！
