【哲學係咩嘢】當香港人遇上法國高考哲學題 大學生：佢哋個腦唔得㗎！
小編個腦都唔得喇⋯⋯
香港人平時接觸唔到「哲學」，但法國高考哲學竟然係必修科，更加係高考第一場考試！所以今次街訪，小編就問吓香港人對哲學識幾多！
本網記者攝
街訪過程裡面，唔少人聽到「哲學」兩個字，已經即刻掉頭走。但經過小編一番努力，終於搵到一班勇士受訪。
被問到「咩嘢係哲學」，幾個大學生都覺得係「好玄嘅嘢」、「有雞先定有蛋先」，都有大學生話「一嚿嚿，我聽唔明嘅嘢」。另外一個在職人士，經過一番沉思之後就給出一個好「哲學」嘅答案：「一啲道理嘅嘢」。
本網記者攝
香港教育唔太重視哲學，所以難怪大家對哲學冇太大認識，對於「香港有需要讀哲學，應唔應該參考法國，將哲學定為必修科」，一班受訪者就各有意見，有人認為應該，因為香港「好多港豬」，都有同學認為唔好，因為「唔係個個Carry到」、「佢哋個腦唔得㗎！」，另外有同學認為必修科會影響入大學，認為應該將「哲學」定為選修。
本網記者攝
「可能逃脫時間嗎」（Est-il possible d‘échapper au temps ?），係今年法國高考哲學嘅文科題。一班受訪者被問到呢個難題，一開始是呆咗幾秒，最後都用盡腦力回答。
