【劇透蜘蛛俠】七大伏線 Uncle Ben仲係唔見影？神秘客死咗未？

蜘蛛仔：雖然班叔死咗好多年，但梅嬸你都唔可以咁架... ...（設計對白）

網上圖片

最近上畫嘅《蜘蛛俠：決戰千里》係MCU第三階段嘅完結篇，但仍然留低唔少謎團畀觀眾。雖然Marvel Studios仲未正式公布第四階段嘅計劃，不過我地可以睇返今集留低嘅伏線，咁樣就可以估到之後嘅劇情發展。

1.到底有冇存在過多重宇宙？

網上圖片

喺《復仇者聯盟4》出現左時間旅行之後，唔少影迷都好期待MCU之後會大力發多重宇宙嘅設定。雖然神秘客喺今次《決戰千里》入面嘅多重宇宙只係大話，不過MCU未來會唔會繼續發揮多重宇宙嘅設定就未知喇。

2.費局長會唔會重返地球？

網上圖片

相信觀眾睇第二條片尾彩蛋嘅時候都會覺得意外，原來費局長係Skrull族人Talos假扮，可能MCU遲下就會發展太空版神盾局嘅劇情，緊接返第四階段嘅核心角色Marvel隊長。

蜘蛛俠其中一個最重要嘅角色班叔，喺兩集《蜘蛛俠》完全唔見影，而且死因成謎。蜘蛛俠第一次喺《美國隊長：英雄內戰》登場，MCU似乎有心想將鐵甲奇俠定位成班叔叔，可能真正嘅班叔叔會出現返都唔定。

4.神秘客去向未明

網上圖片

喺電影結局，最後神秘客畀無人機打中而死，但喺原著入面嘅神秘客係相當之蠱惑，加上第一條彩蛋嘅假新聞，所以好多人認為佢一定係假死。同一時間，Marvel Studios已經鋪定「Sinister Six」登場，所以神秘客翻生都唔出奇。（其實都要睇返積佳蘭賀有冇期）

5. E.D.I.T.H.會點搞？

網上圖片

鐵甲奇俠留左一套智能系統「E.D.I.T.H.」嘅太陽眼鏡畀蜘蛛俠，而「E.D.I.T.H.」係MCU原創嘅系統，但今次喺電影見到其實都唔係話咁好用，之後應該會繼續帶麻煩畀蜘蛛俠。

6.群眾發現災難係流料

網上圖片

喺第一條彩蛋入面，神秘客老屈蜘蛛俠係倫敦大戰嘅元凶同埋殺埋自己，不過喺大戰嘅時候神秘客嘅假象其實已經穿崩，因為而家周圍都有閉路電視，加上個個路人都識用手機影低證據，睇怕神秘客嘅奸計未必可以得逞。

7.柏加身分曝光危機

網上圖片

喺電影彩蛋入面，神秘客放假新聞踼爆蜘蛛俠身分。不過彼得柏加只係個中學雞，照道理就唔會有人信佢係超級英雄，不過嚟緊應該會有媒體狙擊柏加嘅劇情。