真人版娃鬼回魂 受詛咒公仔纏繞人世過百年
Toy Story 算唔算係另類鬼故？
卓奇喺一九八八年嘅《娃鬼回魂》登場之後，佢嘅恐怖形象就一直深入民心，今年卓奇重返銀幕，全新作品《娃鬼回魂：魅來世界》最近喺香港正式上畫。不過，原來卓奇真有其事，今次就介紹下真人版娃鬼回魂。
網上圖片
喺一九零六年，當年六歲嘅男仔Robert Eugene Otto，花名就叫Gene，屋企相當有錢，仲請埋一班工人打理屋企。不過，Gene嘅父母就對工非常苛刻，經常雞蛋裡挑骨頭。但係，最大問題出現，當時嘅工人全部都係海地人，佢地嘅生活習俗就完全唔同。某日，其中一個人喺後院做儀式，Gene嘅阿媽以為佢做緊黑魔法，搞到佢非常之嬲，鬧完個工人一大輪先炒左佢。當時嗰位工人默默離開，但係就留低左一隻受到詛咒嘅公仔喺佢地屋企。
網上圖片
Gene覺得隻公仔同佢生得好似樣，所以就好鍾意佢，鍾意叫隻公仔做Robert，即係佢自已個真名。之後，Gene就成日都帶住Robert，初頭都正正常常，冇咩特別。但係，父母之後開始成日都聽到怪聲，原來Robert會將Gene嘅其他公仔肢解。某一晚，Gene突然大叫，原來係Robert發癲，將啲傢私整爛晒。
網上圖片
屋企嘅一班工人因為Robert而不斷辭職，當時有鄰居就話有次見到Gene一家人出去嘅時候，就見到Robert喺窗度望住佢地。Robert一直都留左喺Gene嘅大屋入面，直到Gene喺一九七四年過生之後，大屋易手，Robert都冇離開過。新住戶搬入大屋，一個十歲嘅女仔喺閣樓揾到Robert。今次Robert唔單止肢解公仔，仲想將女仔殺死，係之前佢已殺左女仔隻狗。
網上圖片
喺一九九四年，Robert畀當地嘅藝術與歷史博物館收藏，但並唔代表咁就結件事。有博物館職員指出，Robert可以移動、改變面部表情、發出可怕嘅笑聲、而且經常己改變坐姿，相當詭異。
網上圖片
