《你的名字》再惹熱議 同女仔食飯霸住梳化位係大忌!?

Leng Zai @ UPower

大家點睇?


新海誠新作《天氣之子》即將喺香港上畫,所以唔少人就趕住重温佢嘅舊作,不過最近《你的名字。》就次掀起話題。

網上圖片

引起一眾影迷熱議嘅就係:主角立花瀧同靚女前輩奧寺美紀一齊食飯嘅一幕,驟眼睇落似乎冇咩問題。

網上圖片

有觀眾覺得,同女仔出街食飯嘅時候,應該要讓返個梳化位畀女仔坐,而唔係好似立花瀧咁要女仔坐出面,自己霸住個梳化。有人認為梳化唔單止舒適啲,亦都方便女仔擺手袋或者隨身物品。咁亦都人覺得立花瀧其實係想留返風景位畀前輩坐。

網上圖片

同埋另一個問題就係:立花瀧一早食晒自己啲嘢,但係前輩就幾乎冇食過嘢咁濟,有觀眾就覺得立花瀧冇咩禮貌,因為佢完全冇諗過配合對方食嘢嘅速度,咁快食完啲嘢會為女仔增添無形嘅壓力。有影迷都指出,因為新海誠嘅作畫非常仔細,所以由咁多種跡象可以推斷出立花瀧唔擅長同女仔相處。

網上圖片

不過有網友就覺得連食飯都要遷就對方覺得好麻煩,認為一齊企喺食拉麵就最好。睇嚟講得呢啲說話嘅網友喺現實世界都應該唔會識到女朋友,只可以好似立花瀧咁偷飲祭典嘅「口嚼酒」,咁先有機會接觸到女仔。

網上圖片

《天氣之子》將於八月八日喺香港上畫。

Facebook Conversations