【時間錯亂?】「蜘蛛俠」彼得柏加點止十六歲?
下集應該改名叫《蜘蛛俠:仲係十六歲》

網上圖片
《蜘蛛俠:強勢回歸》嘅時間設定係喺《復仇者聯盟》嘅「八年後」,但係咁樣就搞到成個MCU嘅時間軸亂晒,後Marvel表示自已搞錯左。但係,到左今次《蜘蛛俠:決戰千里》又出現時間混亂嘅問題,喺電影嘅時間設定係《復仇者聯盟4》嘅八個月之後,但睇落好似有啲唔對路。

網上圖片
開頭彼得柏加喺《美國隊長3》出場,當時十五歲,係啱啱讀高中一年級嘅新仔,跟住喺《蜘蛛俠:強勢回歸》就係一年之後,彼得就升班讀高中二年級。

網上圖片
因為今次Marvel冇講明,《蜘蛛俠:強勢回歸》到《復仇者聯盟3》中間隔左幾耐時間,不過由《蜘蛛俠:決戰千里》入面可以睇到彼得同一班同學完成左期中考,仲要再重讀多八個月。換言之,兩部電影中間最長係隔左一年時間。

網上圖片
喺美國嘅中學通常會喺十二至一月左右考試,而魁隆嘅彈指滅世就喺二零一八年嘅春天發生,亦即彼得嘅期中試之後,緊住宇宙人口冇左一半,再喺二零二三年之後再晒嚟。

網上圖片
但係,當「Mysterio」要請彼得飲酒嘅時候,佢就話自己得十六歲,令人睇到?晒頭。因為喺上集《蜘蛛俠:強勢回歸》彼得已經係十六歲,《蜘蛛俠:強勢回歸》到《復仇者聯盟4》之間最長只係隔左一年,再加repeat嘅八個月,基本上係唔會仲係十六歲。不過,相比起「八年後」呢個時間都只係小事。