【蜘蛛俠：決戰千里】一次過重温晒喺電影同原著出現過嘅蜘蛛俠戰衣
大家鍾意邊款蜘蛛俠戰衣 ?
《蜘蛛俠：決戰千里》入面嘅其中一幕，Happy向彼得展示左歷年嘅戰衣，短短時間已經出現左六件衫，今次就同大家一齊重温下喺電影出現嘅十件戰衣。
1.傳統紅藍色戰衣
網上行動
由東尼史達打造嘅Stark Suit。
2.鋼鐵戰衣
網上行動
喺《復仇者聯盟3》出現過嘅鋼鐵蜘蛛戰衣︳喺今次電影都有登場，但似乎有唔少觀眾覺得出場時間太少。
3.潛行戰衣
網上行動
呢件戰衣最特別之處係由費局長提供。
4. 紅黑戰衣
網上行動
由彼得柏加自己整嘅紅黑戰衣。
5.經典鋼鐵戰衣
網上行動
呢套喺回顧嘅一幕出現過，第一次喺Marvel原著漫畫《Civil War》登場，因為戰衣有四條金屬臂，所以好易認到。而喺《復仇者聯盟3》時候，呢件衫都有出現過，但係電影就將佢變返做傳統紅藍色。
6.究極蜘蛛俠戰衣
網上行動
呢係Marvel漫畫家Alex Ross設計，當時係為左Sam Raimi導演嘅版本而創作。不過，後來電影都係冇用呢個款戰衣。
7.高級戰衣
網上行動
呢款係出自PS4遊戲《Marvel's Spider man》嘅高級戰衣，由Insomniac Games遊戲團原創，喺遊戲入面首次亮相。呢套衫用左類似運動服嘅裁剪，心口嘅蜘蛛圖案變左白色，係第一次有咁嘅改動。由嗰陣開始，高級戰衣仲殺入埋Marvel漫畫，今次大家都可以喺電影入面一暏全貌。
8.Spider Armor
網上行動
蜘蛛俠喺原著漫畫《End of the Earth》着過呢套Spider Armor，呢件衫係蜘蛛俠喺一間叫Horizon Labs嘅科研公司入面親手製作。Spider Armor結合左先進科技，而且可以抵消每個Sinister Six嘅成員能力，令Spider Armor成為歷來最勁嘅蜘蛛俠戰衣。但係呢件戰衣係用左八爪魚博士嘅技術製作而成。
9.Classic Spider Armor
網上行動
呢件Classic Spider Armor同樣都係喺原著漫畫入面出現，蜘蛛俠一樣都係喺Horizon Labs入面整呢件戰衣。雖雖然呢件戰衣只係出過幾次，但都已經深得廣大書迷歡心，而且東尼史達曾經參考呢件戰衣做佢嘅盔甲。
10.Secret War戰衣
網上行動
呢套Secret War戰衣，喺原著漫畫入面，呢件戰衣係由費局長蜘蛛俠着，幫佢入Latveria。但係，Secret War戰衣從來都未真正展示佢嘅真正功能，因為蜘蛛俠只係用過佢一次。因為係秘密行動，所以有份參與今次行動嘅英雄，佢地都着左同平時唔一樣嘅戰衣去行動。
