【黑暗反斗奇兵】胡迪原本設定係邪惡好多？
其實胡迪係一個扮好人嘅變態佬。
《反斗奇兵》系列一直深受大人細路歡迎，而家《反斗奇兵4》就上緊畫。不過，原本《反斗奇兵》嘅劇情係更加黑暗，只係後來改返劇本。
網上圖片
1.安仔嫌棄胡迪
網上圖片
喺《反斗奇兵2》，有一幕係胡迪發夢畀安仔遺棄，搞到佢相當不安。原來彼思編劇喺第一集嘅時候有諗過類似一幕，就係安仔嫌棄胡迪唔似巴斯咁識發光， 而真係掉佢去垃圾桶，不過後來都冇用到呢個情節。
2.三眼仔見死不救
網上圖片
喺《反斗奇兵3》，有一幕係胡迪、巴斯連同其他主角一齊喺焚化爐面前手拖手，齊齊準備做烈士，好彩三眼仔出手打救大家。不過，編劇最初設定係三眼仔見死不救，最後所有玩具人人就義。
3.胡迪謀殺巴斯
網上圖片
喺《反斗奇兵》入面，巴斯意外墮樓，搞到大家以為係胡迪推佢落去。但原本編劇係打算講安仔要移民到Pizza Planet，剩係可以帶一件玩，所以胡迪先下手為強，將巴斯推落街，仲叫大家唔好救巴斯。
4.胡迪虐待彈弓狗
網上圖片
喺《反斗奇兵》入面，原本有一幕係彈弓狗為左討好胡迪而整蠱做怪，但係胡迪就嫌佢煩，一巴摑落彈弓狗道。
5.阿薜糟質胡迪
網上圖片
《反斗奇兵》入面嘅變態仔阿薜，原本佢會有一幕係將胡迪一巴車落地，不過後來冇用到。
