【蜘蛛俠決戰千里】最索梅姨原版造型曝光 師奶LOOK唔討好？
做蜘蛛俠嘅其中一個好處係可以同梅姨朝夕相對。
網上圖片
喺今次湯賀蘭版本嘅《蜘蛛俠》系列入面，蜘蛛仔固然係主角，但係飾演「梅姨」嘅瑪麗莎圖美(Marisa Tomei)同樣備受關注，相信原因唔洗多講。
網上圖片
喺過去唔同版本嘅《蜘蛛俠》系列電影，因為劇情需要，所以通常都由年紀比較大嘅演員去做返，例如初代蜘蛛俠嘅「梅姨」由當年已經七十五歲嘅Rosemary Harris飾演。而加菲版嘅梅姨就係由當年六十六歲嘅Sally Field飾演。
網上圖片
瑪麗莎圖美堪稱史上最索梅姨，雖然今年已經五十四歲，但依然仲係咁fit，喺電影入面又經常着小背心演出，索嘅程度甚至更勝「辣椒仔」桂莉芙柏德露（Gwyneth Paltrow）。
網上圖片
不過，近日瑪麗莎喺IG上載左幾張「梅姨」嘅造型照，有爆炸頭襯格仔衫、有短曲髮配黃色小背心，仲有盤起頭髮戴眼鏡，同埋中間分界嘅長髮造型。呢幾款造型相當老土，搞到瑪麗莎圖變左真係師奶咁款，網友就覺得呢啲做型根本就冇辦法突出瑪麗莎嘅氣質。好彩最後冇用到呢啲造型，否則必定票房大瀉。
網上圖片
其實瑪麗莎唔單止樣靚，而且仲係演技派，佢喺一九九二年嗰陣憑藉《智勇急轉彎》（My Cousin Vinny）贏左得奧斯卡最佳女配角獎。唔單止係咁，原來瑪麗莎以前曾經仲同過「鐵甲奇俠」羅拔唐尼（Robert Downey Jr）拍過拖。佢地因為拍《卓別靈傳》（Chaplin）而認識，之後喺兩個喺電影《Only You》入面情侶檔演出，戲假情真墮入愛河。雖然最後分手收場。但佢地再見亦是朋友，據聞係羅拔唐尼推薦瑪麗莎演出「梅姨」。
網上圖片
