車長見「博懵」呵斥打尖客排返隊 厚顏客不忿：就係唔排呀點呀？
面皮厚過車胎啊真係！
搭車排隊是基本的公民意識，但仍有不少無品乘客「厚顏」打尖。有巴士乘客在山頂等巴士期間，遇上兩名乘客打尖，事主和站長齊聲叫兩人排隊，兩人仍「厚顏」反駁「咩啊我就係唔排啊點啊」，最終站長叫司機熄匙並報警處理，引起討論。
事主在Fb專頁「西客之道 Hispitality Secret」投稿，指當時在山頂準備乘X15巴士下山，因客滿等候下一班車，他當時正在排隊，期間兩名等候15號巴士的乘客欲上車，但得知要待下一班時，「博懵」排在事主的前兩名，其後被站長叫排回原本所屬位置，即事主後面。
兩客等巴士「博懵」打尖。
兩人隨即「發功」，與站長爭拗排隊位置，被兩人打尖私乘客亦出聲，指「阿生你排返後面啦我排第一㗎」，兩人即反駁「喂你咩態度啊」，被打尖的乘客隨即大喝命兩人排隊，三人發生口角。其後站長前來叫兩人排隊但被拒絕，指「咩啊我就係唔排啊點啊」，站長拒絕讓兩人上車，更命司機熄匙，最終報警處理。
不少網民認為兩人打尖發難十分厚面皮，「點解咁大個人啲行為都咁無聊咁無謂，連小學生都不如， 都唔知啲人個腦諗咩」、「 無恥無極限」、「咪又係上同一班車?差兩三個人係咪真係差咁遠」。
